قصص رعب "وحش ولكن" (الجزء اﻻول)

"وحش ولكن"  (الجزء اﻻول)

فيلسوف الرعب 

ملك : انت ليه مش 

مصدقني انا كل يوم بحلم ب حد شكله غرييب اووي .. و كل ما اشوفه قلبي يوجعني من كتر الخووف و خصوصا لما اشوف الدم مغرق اديه .. نظرته ف كل مره بشوف النظره دي .. بيتكرر ال حلم ب تفاصيل مختلفه بس نظرته هيه نفس النظره . 

وقتها كان عمر مشغول مع بسمه و نرمين ..

بسمه : بس تفتكر هيهتم بيا .. 

عمر : يابنتي خففي مكياجك شويه و شيليي ام الهباب ال ع راسك ده و هوا هيلتفت ليكي . هوا ايه ال ع راسك ده اصلا 

بسمه : دي توكه يا جاهل . وخلي بالك في حاجه هتنزل ع راسك انت :$

وقبل ما يلف وشه .. 

عمر : تصدقي حاسس ب صهد ورايا :$ هيه خلصت كلامها اصلا 

ملك : تصدق انا غلطااانه اني بتكلم معاك اصلا انت باارد والله 

نرمين : بدات المرشح بتاع كل يوووم 

ملك : وانتو كلكو عيال سكه اصلا انا غلطانه اني اعده اضيع وقتي معاكو

عمر : خدي بس رايحه فيييين .. 

ملك: رايحه ف داهيه خليك ف حالك >< 

نرمين : طيب انتي طيب

بسمه : شكلها زعلت بجد .. تقلناها المره دي 

عمر : يابنتي انا عايزها تطنش ام الحلم ال شاغله نفسها بيه ده بقي حياتها 

و كل ما تحطه ف دماغها تحلم بيه تاني يوم و تيجي تحكي لنا 

دي بقالها 15 يوووم ع الوضع ده يوميا نسمع نفس الحدوته 

نرمين : لا امبارح كانت مختلفه شويه 

عمر : ااه امبارح ماشافتش ال وحش بس شافت جثث فوق بعض و صحيت ع صوت صريخ طيب ما هيه هيااها رجعت ف الاخر تقول ده بسبب الوحش !! 

بسمه : انا من رأي انكو ماتركزووش معاها ف الموضوع ده بس بردو مانحسسهاش اننا بنهملها عشان ماتزعلش .. 

عمر : يعني اييه يعني نطنش ولا نستجيب ولا ايه 

بسمه : المهم مانزعلهاش

عمر : انا باخد برايك ليه انتي اصلا مش عرفه توقعي الواد سيد ف حبك :D:D

بسمه : اسمه ساااامح >< وبطل غتاته 

عمر : سيد سامح كلهم سيين

وقتها جيه سامح نحيتهم 

بسمه : طيب اخرس بقي ده جي علينا اهوووو :$

و اول ما جيه و سلم ع الكل 

عمر : اهلللن ... ازيك يابو السيييد 

سامح : ياعم سااامح سااامح ايه دخل ابو السيييد ل سامح 

عمر : ياعم فكك كلها سينااات .. جايب لنا اخبار ايه بقي 

سامح : نزلو رحلتين جدد بس اول رحله اول ما نزلت اتحجزت كلهاااااا

عمر : اكيد الملاهي طبعا ماهي جامعه تافهه

نرمين :الله ملااااهي .. انا عايزه اروووووح 

:((((

عمر : مش بقووول تافهيين 

اسلام : مين ال تافهيين ؟ 

نرمين : بيقول عليا انا عجبك كده 

اسلام : بتقول ع ميين يا عمر ؟؟ 

عمر : ياعم شبطانه ف الملاهي و تضيع الرحله ع شويه العااب 

اسلام : ايه ال تفاهه دي لعب ايه وبتاع ايه ؟ 

نرمين : حتي انت :0 

عمر : مش قولت لك .. 

كمل يا سامح ايه ال رحله ال تانيه 

سامح : رحلة تخيم بس مافيش ناس كتير حجزو فيها كله هجم ع ال ملاهي 

قرب عمر من بسمه وقال لها .. ده وقتك بقي انك تظهري شخصيتك .. يالا اتكلمي قولي رايك بدل منتي واقفة مريله ع نفسك كده 

اتشجعت وقالت بسمه ب صوت عالي و فاجئه ..

بسمه : لالالا تخيم ايه بلا تخيم بلا بتاع احنا نستني ل الرحله ال بعدها

عمر : ااسد

سامح : والله فكره حلوه .. بس عموما انا هطلع التخيم عشان عايز اجربه وانتو .. ف لو هتستنو اوووكي

بسمه : هه :$$$!! لالاا انا بقول ان التخيم حلو بردو و لازم نجربه ولا ايه رايكو

عمر : !! كلب لولووه .. قال اسد قال

نرمين : والله فكره ايه رايك يا اسلام .. 

اسلام : امم هيه فكره حلوه بس أهلك هيوافقو ؟ 

نرمين : هقول لهم اني طالعه معاك مش انت خطيبي 

اسلام : ما المشكله اني خطيبك 

نرمين : نعممم ! 

اسلام : اصدي المشكله انك هتقولي انك طالعه معايا .. قولي لهم انها رحله بنات بس و هما هيوافقو .. 

نرمين : بس لازم يقتنعوو .:$ 

بسمه : انا هتصل بيكي وانتي ف البيت و اكلم مامتك لو شكت و نخلي البت سلمي تتصل هيه كمان .. 

سامح : طيب لو معاكو فلوس هروح عشان احجز و هحجز لكو و حسبوني لما ارجع بس كام واحد هيجي بالظبط ؟ 

بسمه : احنا 5 بيك 

عمر : صح ملك ماتعرفش .. انا هتصل بيها اقول لها .

طلع عمر تليفونه و اتصل ب ملك .. 

وقتها تليفون ملك رن وهيه ف طريقها ل حمام البنات و بتبرطم ب عصبيه ..

بصت ع التليفون .. لقت عمر بيتصل 

ملك : والله ما هعبرك .. هي بس 

حطت الموبيل ف شنطتها و دخلت الحمام و بعد ما خلصت بصت ف المرايا و بدات تعدل ف شعرها ..

رفعت شعرها ل فووق و هيه بتبص ف المرايا .. وقتها ال حمامات فضيت كلها ..

فضلت سرحانه و هيه رافعه شعرها . بصه ف المراياا ..

جيه ع بالها حلم من الاحلام ال بتحلمها يوميا .. 

و انها كانت واقفه نفس ال وقفه و حست ب انفااس ع رقبتها .. وايد بتتحرك ع ظهرها و طلعت ع كتفها .. كانت بتفتكر شكل ال ايد اد ايه مرعب من بشاعه ال دم ال نازل منهااا ..

بدأت تاخد انفاسها بسرعه و هيه بتفتكر احدااث الحلم .. 

غمضت عنيها ل ثواني .. وقتها و فاجئه جات النظره ال بيبص لها. ال وحش ف كل مره و كأنه واقف قدامها 

فتحت ملك عنيها و بصت غ المرايا .. تاني 

لقتها ملها بخاار ؟؟! 

استغربت ملك منين جيه البخاار ده ؟؟ 

قربت و مسحت ال مرايا براحه .. وفاجئه

لقت عنين حمرااااا بتبص من المراياااا

صرخت ملك و رجعت بسرعه ل ورا لحد ما وقعت ع الارض 

فضلت تزحف نحيت ال بااب بسرعه و قلبها هيقف من الخضه .. و من غير ما تبص وراها .. وقتها سمعت تليفونها بيرن من شنطتها .. ال ع الحوض قدام المرايا .. 

قامت ملك و عدلت هدومها .. و هيه واقفه عند باب الحمام و مرعوووبه .. مش عارفه تعمل ايه .. وقتها سمعت بنات داخلين الحمام و بيتكلمو ..

استجمعت وقتها قوتها و خصوصا بعد ما دخلو .. و ارحت نحيت شنطتخا بسرعه .

طلعت تليفونها و هيه بتنهج و بتقول .. الوووو

عمر : ايوه يا ملك انتي فيين ؟ 

ملك : اا انا ف الحمام .. 

عمر : طيب تعالي عشان عايز اخد رايك ف حاجه 

ملك : حاجه ايه .. انا مش هقدر اجي دلوقتي .. 

عمر : انتي كويسة ؟ 

ملك : ااه اه كويسه .. خير احكيلي ؟ 

عمر : في رحله ل التخيمم . و كله طالع ال رحله تبع ال جامعه . تحبي تيجي معانا ؟ 

ملك : مش عارفة .. لسه مش عارفه . 

عمر : مالك يا ملك ؟ انتي لسه زعلانه .

انتي عارفه اني بهرج معاكي . و كمان انا اعمل ال عايزوو ولا ايه ..

ملك : ااه اه طبعا .. 

عمر : يبقى هتيجي الرحلة تماام . انا هحجز لك معانا 

وقتها اضطرت ملك انها توافق عشان تخلص المكالمة .. 

و بعد م اقفلت غسلت وشها بسرعه . لاول مره تحس ب الخوف ده .. كأنها شافته قدامها فعلا ل حظااات .

و بعد ما خرجت من الحمام . ماحستش ب نفسها غير وهيه بتركب و مروحه البيت . حتي ماقدرتش تروح ع مكان صحابها تاني ..

واول ما وصلت البيت ..

ملك : انا جيت .. 

ليلي : اده جيتي بدري ليه ؟ 

ملك : عادي ماكنش ورايا غير محاضره واحده خلصتها و جيت . 

ليلى : كأنك بتحضري اصلا 

الام : خليكي أنتي ف حالك يا بتاعت ال ثانويه يا فشله 

قاعده تذاكري قدام التلفزيون . ادي دقني لو نجحتي يا فشله 

ليلي : هنجح و هتشووفي و هقهركم كلكووووو و حتي لو مانجحتش ال كباريهات مليانه مستقبل ده ولا مش مستقبل. و كمان ده هيحتاج ليووونه بس

وقبل ما الشبشب يوصل ل ليلي كانت طااارت ع أوضتها :D:D

وقتها لحظت الام ان ملك دخلت ع أوضتها ع طول من غير ما تتكلم و لا حتي زي ما تعودو انها ترخم ع ليلي ولا اي استجابه 

دخلت الام الاوضه ورا ملك قبل ما تغير هدوما .

الام : مالك يا حببتي في ايه .. ؟ 

بصت ملك ل أمها ل ثواني .. مش عارفه تحكي لها ولا هيه كمان مش هتصدقها ؟؟ فضلت بصه لها و محستش ب نفسها الا وهيه مرميه ف حضنها ..

الام : مالك يا حببتي في ايه ؟ ايه ال مضايقك بس

فضلت تردد ملك وقالت .. مافيش . مافيش يا ماما 

طبطبت ال ام ع ملك بهدووء . وقتها رن تليفون ملك 

و بعد ما بصت فيه لقيتها بسمه .. 

ملك : يووه .. اكيد هتزعل مني اني سبتهم و مشيت .. ماما ردي عليها و قولي لها اني دخلت الحمام .

وفعلا دخلت ملك و غيرت هدومها وكانت سامعه مامتها وهيه بتكلم بسمه 

الأم: ااااه عشان كده هيه متضايقه . لالا خلاص 

انا مش معترضه ولا حاجة بس هيه لو كانت جات وقالت ع طول ماكنتش هقول حاجه

عموما خلاص انا موافقه و ماعتقدش ان باباها هيرفض بس اخوها مازن ال ممكن يرخم شويه .. 

كانت ملك سامعه ال مكالمه و مش عارفه بيتكلمو ع ايه ؟

وبعد ما خلصت ال ام مع بسمه .. 

راحت عند ملك و اديتها ال موبيل .. و هيه بتقول

ده بقي ال مزعلك .. ياستي انا هقنع ال كل بس ماتزعليش مااشي

ملك : هه ؟ 

الام : وخدي مصاريف ال رحله و ادفعيها ل صحابك بقي عشان هما دفعو و عملو حسابك. 

وقتها استوعبت ملك هما كانو بيتكلمو ف ايه .. رددت ب كﻻ بساطة و قالت 

ملك : ااه حاضر يا ماما. شكراا ليكي 

الام : يالا اطلعي عشان تاكلي بقي و اخوكي انا هحاول اقنعه 

مش عارفه ممكن يقتنع من انهي نحيه ده كل ما بيلعب حديد بيعرض اكتر

ملك : ايواا فعلا وشه بقي لازق ف افااه

عدي اليوم و ملك مافكرتش ف الحلم تاني .. 

و انشغلت ب حنيه امها و أنها بتحاول تفرحها ع اد ماتقدر و تجهيزها ل الرحله ..

و بعد ما جيه الليل . شالت ملك هم ال حلم ال يوميا بتحلم بيه .. 

وبدا الخوف يسيطر عليها تااني .

و بعد ما غطت نفسها و بدات تشغل نفسها ب الرحله و ايه ال ممكن يحصل .. رااحت ف النووووووم

تاني يووم .. صحيت ملك ع صوت ليلي و هيه بتصحيها عشان الجامعه بس صحيت مستغربه

بتبص حوليها .. هيه لسه بتحلم ؟ 

كانت اول مره تصحي ع حلم عادي و مش مرعب. ماحلمتش ب الكابوس ال بتحلم بيه يوميا .. 

قامت و غسلت وشها و هيه لسه بتستوعب.. اخيرا مش هتحلم بيه تااااني.

اخيراااا 

خرجت من الحمام و هيه بتتنطط من الفرحه و الفوطه ع راسها

واول ماشالتها .. لقت ليلي واقفه قدامها و ع وشها نظره ازبهلاال o.0

ليلي : انتي اتجننتي ؟ 

ملك : انتي ايه ال موقفك ف اوضتي ؟ 

ليلي : مش كنت بصحيكي بس بردو ماردتيش عليه . انتي اتجننتي ؟ 

مسكت ملك ليلي من افاها و هيه بتقول : خلييكي ف حاالك و ماتدخليش هنا تاني يابتاعت الثانويه يا فشله .. 

و اول ما خرجتها .. خبطت ليلي ف مازن ..

ليلي : اوبس .. 

مازن : انتي ايه ال موقفك هنا مش عليكي درس ؟

ليلي : ااه و كنت بصحي ملك .. ماما ال قالت لي .

مازن : طيب يالا ع درسك و ماتتاخريش ..

ليلي : حاضر :$

وقتها دخلت ملك اوضتها و قبل ما تقفل الباب ..

مازن : استني .. انتي بعد بكره رايحه رحله فعلا .. 

ملك : ا اه رايحه مع صحباتي .. 

قرب مازن ع ملك و هوا بيسالها و بيقول .. 

مازن : صحبااتك .. يعني بنات بس صح .؟

ملك : هه .. ااه ااه بنات بس .. :$ ليه بتسال 

مازن : امم . بس انا لو اكتشفت غير كده هتبقي مصيبه . 

فضلت ملك باصه ل مازن .. و هيه مش عارفة ترد .. 

الام : ملك يالا عشان تلحقي ال فطاار . 

ملك : طيب انا هروح افطر .. 

مازن : ماشي . بس زي ما اتفقنا .

ملك : حاضر .. :$ 

الام : يالا افطري و البسي عشان تلحقي محضرتك .. 

ملك : ماما انا مش هطلع مع بنات بس ف ال رحله . 

ابتسمت ال ام وقالت .. منا عارفه .. عمر طالع صح 

اتكسفت ملك و قالت بصراحه ااه 

الام : المهم تخلي بالك من نفسك انتي بقيتي كبيره و وعايه . و افهمي ان الحب مش كل حاجه

ملك : ماما ماتقلقيش . اصلا شكله حب من طرف واحد . انا لحد دلوقتي ماحستش انه بيبادلني نفس الاحساس ..

الام : انتي جميله يا ملك و الف من يتمناكي . و صدقيني مسيرة هياخد باله منك .. بس انتي ماتغيريش من نفسك عشانه . انا واثقه فيكي يا ملك .. ف خليكي ع اد ثقتي بيكي

ملك : انتي خايفه ل يتغرغر بيا زي الافلام لا ماتخافيش 

بس مش بعيد لحد ما ازهق انا ال اتغرغر بيه

ليلي : يالا يا بايره .. 

المره دي خددت ليلي الشبشب ف وشها 

الام : اخيرا عرفت انشل 

ليلي : بايره بردوووو هي بس

قالت الكلمه و طلعت تجري ع الدرس

عددو اليومين ع ملك و هيه فرحانه .. اخيرا انتهي ال كابوس ال عايشه فيه .. و هتروح مع عمر رحله .. يعني ممكن اخيرا يلتفت ليها .. و ماينشغلش ب الجروب زي كل مره ..

جهزت ملك شنطتها و حطت فيها شويه ميك اب ع حاجات عشان تهتم ب نفسها ف الرحله .. و ياخد باله منها

و بعد ما جيه يوم الرحله .. صحيت ع صوت خناق مازن مع ليلي .. 

مازن : انا بقول لك ان مكياجك اووفر دي منظر واحده رايحه درس .. ده كباريه 

ليلي : والله ما حطه غير زيت ب الكاكاو بس ع بؤي . ياماما بقيييي :(((((

قامت ملك و بصت ع الساعه... 

ملك : ياخبرر الباااااص فاتنيييي ..

قامت بسرعه و لبست هدومها و خددت شنطتها و جريت .. 

وهيه بتخرج من أوضتها خبطت ف مازن .. 

مازن : افتكري يا ملك .. زي ماتفقنااا هه ..

جريت ملك و باست مامتها بسرعه و خرجت .

الام : طيب افطري حتيي... بس وقتها كانت خرجت من الشقه ..

ربنا يحميكي يا بنتي ..

جريت ملك و ركبت عربيه و اتصلت ب صحابها

بسمه : انتي فين يا بنتي الباص مشي و حاولنا ناخر ال رحله ع اد كا نقدر و اتصلنا بيكي كتير بس غير متاااح

ملك : راحت عليا نومه .. طيب اسالي السواق ع مكان الرحله ب التفصيل وانا هااجي وراكوو ..

وبعد ما سالت بسمه و اددت العنوان ل ملك .. راحت ملك ع العنوان .. بس متاخر

السواق : انا مش هقدر ادخل اكتر من كده عشان دي تعتبر غابه .. و العربية هتتبهدل ..

ملك : طيب فاضل اد ايه ع المكان .. ؟ همشي كتير 

السواق : مش كتير اووي .. بس هتمشي حبه حلوين ..

و هتلاقي تله اطلعي عليها . تقريبا ده مكان المخيم ..

ملك : طيب شكرا ليك .. ^^

حاولت ملك تتصل ب صحابها . بس الشبكه بدات تقطع 

ملك : اده احنا بدأنا. . 

فضلت مااشيه و هيه رافعه التليفون و بتحاول تلقط ارسال كويس . عشان تتصل ب الكل

و من غير ما تحس .. اتزحلقت رجليها و وقعت ف منحدر مش كبير اووي

ملك : ااااه .. ظهريي ... 

مسكت ظهرها و بدات تقوم و تعدل نفسها من الوقعه و تنفض هدومها ..

عدلت نفسها و شالت شنطتها ع ظهرها تاني و هيه بتدور ع الموبيل .. 

ملك : وقع فين بقي ؟؟ راااح فييين؟؟

فضلت تبص شمال و يمين .. 

وقتها بدات تلمح حاجات .. ورا ال شجر ؟؟ 

لفت وشها تاني وهيه بتدور ع الموبيل بسرعه !!

ملك : فيين راااح فيين !!:$ 

فضلت تبص شمال و يمين .. 

سمعت صوت خروشه بيت ال اشجاار ! 

ملك : ميين؟ مين هنااا ؟؟؟!

بس ماحدش رد .. 

كملت تدوير ع الموبيل .. لحد ما لقت حاجه بتلمع ف الارض ..

جريت بسرعه و هيه فرحانه .. اكيد ال موبيل

وبعد ما قربت و مددت اديها .. 

ملك : اده ؟ دي سلسله 

فضلت بصه لها كتيير .. و هيه مستغربه من شكلها ؟ 

ملك : اممم شكلها مش وحش .. هبقي اسال ال عيال بتاعت مين دي 

خددتها و حطتها ف شنطتها و كملت تدوير ع الموبيل ..

الخروشه بتزيد اكتر واكتر.. اصوات حركه حوليها

وقتها رن التليفون بتاعها ..

انتبهت ملك وراحت بسرعه ع مكان الموبيل 

واول ما وصلت . جات تمسكه .. حست ب حاجه ع الموبيل .. بصت وقتها ع اديها .. لقيتها كلها دمم ؟؟؟؟؟؟؟؟

ملك : ا اييييه ده .. اييييه دهه 

مسحت ملك اديها ف هدومها و جسمها بجا بدأ يترعش .. خددت ال موبيل و جريت بسرعه من المكان بعد ما الر عب سيطر عليها ..

فضلت تجري و الاصوات بتزييد و في حاجه بتطاردهاااا .. ماشيه ب نفس سرعتهاااا ..

و فاجئه .. خبطت ملك ف حاجه .. حاجه غريبه و طوويله

و اول ما وقعت ف الارض .. بصت ل فووق لقت حاجه بتقرب عليها .. و ملامحها مش باينه .. فضلت تزحف ل ورا و هيه بتصرخ .. و الرعب سيطر عليها .. 

زاااد صريخها اكتر و هيه بتقوول ... الحقوووووونيييييي ااأاااااااااه .. ايييه ده ..

حاجه بتقرب عليها اكتر واكتر .. و اول ما 

وقفت قدامها وشافت ملامحها .. وفاجئه ...

حارة الفيلسوف 

للجزء الثاني للقصه اضغط هناااااااااا